Бұл кітапқа қалың оқырманның ыстық ықыласына бөленген жазушы М. Қаназдың бірнеше повестері еніп отыр. «Чика-Дабылдың баласы» повесінде майдангер Дабылдың әйелі Тәнзила ауылға әкеліп үлестірілген балалардың ішінен Чика атты неміс баласын бауырына басады. Автор Чиканың жаңа ортаға кіруін әрі табиғи, әрі нанымды жеткізе білген.

«Ақтайлағым – ай» повесінде сәби көңілге сыймас ауқымды да қатқыл өмір шындығының бала Біләлдің жан-дүниесінде орын алуы баяндалады. 

«Аққанат» ертегі-новелласы табиғаттағы тіршілік иелерінің бәрі де өзара сабақтас, тағдырлас өмір сүретінін, әрбіріне ортақ үйлесім барын түсіндіреді.