​Ғұн көсемі Аттила туралы аңыздар ежелгі дәуірде пайда болып, орта ғасырларда жалғасын тауып, әлем жұртшылығын әлі күнге таңдай қақтырып келе жатқаны рас. Әйгілі билеуші туралы бұл кітаптың авторы, белгілі француз қаламгері – Эрик Дешодт бірқатар биографиялық еңбектері арқылы тарихи тұлғалардың тағылымды тағдырын оқырманға қарапайым тілде жеткізе білген. Ал бұл шығармасында «Тәңірдің қамшысы» атанған Аттила бейнесін даңқты дипломат, бірнеше тілді меңгерген саясаткер ретінде танытады. Ежелгі дәуірдің дүрбелең оқиғалары жүйелі түрде баяндалып, тарихи таным көкжиегімізді кеңейтеді.