«Будденброктар» романы – ХІХ ғасырда өмір сүрген бақуатты неміс әулетінің тарихы. Дәнді дақыл саудасымен айналысатын ірі кәсібі бар дәулетті шаңырақтың үш ұрпағы басынан кешкен өмірлік шежіресі. Романда Будденброктардың өмір жолын сипаттай отырып, қаламгер ескі буржуазиялық тәртіптердің қалай біртіндеп жойылғанын, ал олармен бірге буржуазия өкілдерінің де моральдық және физикалық тұрғыдан құлдырағанын айқын образдармен, маңызды сюжеттермен бейнелеген.

Роман автордың өз әулетінің өткен тарихындағы өмірлік оқиғаларға негізделген. Сондықтан болар, шығарма желісі кейде өмірдің өзіндей қарапайым, кейде өмірдің өзіндей тартысты да шытырман және ең бастысы – шынайы. 

Кітап барша әдебиетсүйер қауымға арналған.