Кез келген ұлттың тарихы ең алдымен сол халықтың әдебиетінде көрініс табады. Қазіргі қазақ әдебиетінде рухани дамуға, мәдени өркениетке және ұлттық жан дүниемізге өз шығармаларымен елеулі үлес қосқан қаламгерлердің бірі – Төлен Әбдік. Автордың қай туындысын алып қарасаңыз да, басты тақырып ретінде адамзаттың рухани мәселесі көтерілетінін байқайсыз. Жазушының «Қыз Бәтіш пен Ерсейіт» хикаяты - әке мен бала арасындағы қарым-қатынасты, үлкендердің ақылы мен жастардың қателіктері, қоғамдағы моральдық-этикалық құндылықтардың мәніне үңіледі. 

Кітап барша әдебиетсүйер қауымға арналады.