Сомерсет Моэм – әлемге әйгілі ағылшын жазушысы. Көптеген роман, драмалық шығармалар, эссе, жолжазбалар авторы. Әсіресе көркем әңгіменің шебері ретінде танылған. Әрқилы тағдыр, төтенше оқиғалар қандай да оқырманды баурап алады.

Мұхтар Мағауин С.Моэмді әлем әдебиетіндегі Мопассан, Чехов, Акутагавамен теңдес, ең танымал әңгімеші ретінде бағалаған.

«Ел шетінде» – әлемдік классиктің таңдама тоғыз әңгімесін қамтыған, жалпы жұрт үшін тартымды, қызғылықты кітап. Ал жас оқырман, оның ішінде жазушылық еңбекке талапкер үшін көп нәрсеге үйретер, үздік үлгі.