Бұл кітапқа ерекше жазушы Машқар Гумеровтың «Ортаншы ұл» мен «Жаза» атты екі шығармасы енген.

Отбасындағы ортаншы ұл Алмастың хикаясы сізді бірден баурап алады, оның жазғы демалыс кезіндегі ауылдағыкүндері мен ішкі сезімдері жасөспірімдердің жүрегіндегі көп толқынысына дөп түсері анық. Ал «Жаза» повесіндегі Думан би кештерін ұйымдастырғаны үшін жазалы болды ма, әлде басқа жағдай орын алды ма? Жоғары сынып оқушыларының басынан өткен қызықты оқиғасы да, алғашқы махаббат сезімі де әдемі, шынайы. Бала мен оқушы жанын түсінуге көмектесетін екі туынды ұстаздар мен ата-аналар үшін де өте пайдалы кітап дер едік.

Балғын жүректерді адамгершілікке, қайсарлыққа және отбасы құндылығын бағалауға шақыратын бұл кітап барша оқырманға арналады