Зейтін Ақышевтің бұл кітабында күллі қазақ жұртына белгілі өнерпаз Жаяу Мұса Байжанұлының өмірі баяндалған. 94 жыл өмір сүрген әнші-сазгердің өмірі тұтас бір дәуірдің бейнесі іспетті. Әділетсіздікке, қорлыққа қарсы өлеңі мен өнерін құрал ғып шайқасып өткен тұлғаның бейнесін жазушы романда нанымды жеткізген. Шығармада тек Жаяу Мұсаның ел арасында өнер көрсетіп, серілік құрып жүрген шақтары ғана емес, сол замандағы саяси-әлеуметтік жағдай мен қазақ даласындағы оқиғалар легі суреттеледі.

Кітап ұлтымыздың тарихи тұлғаларына қызығушылық танытатын барша оқырман қауымға арналады.