«Граф Монте-Кристо» – француз әдебиетінің өлмес классигі Александр Дюманың ең қызықты туындысы және көлемі жағынан әлемдегі ең үлкен авантюралық роман. Бұл томда жас теңізші Эдмон Дантестің қайғылы тағдыры суреттеледі. Ол өмірінің ең бақытты сәтінде қызғаныш пен сатқындықтың құрбанына айналады. Қаскүнемдер оны жалған айыппен түрмеге қаматады, сөйтіп Эдмон әйгілі Иф қамалына түседі. Оның өмірінің өзгеруіне аббат Фария атты жан әсер етіп, теңізші Эдмон мүлде басқа адамға айналады.

Автор әр кейіпкердің ішкі жан арпалысын бейнелей отырып, өмір мен өлім, кешірім мен өшпенділік, сенім мен сатқындық сынды мәңгілік тақырыптарды қозғайды.