Қолыңыздағы кітапты төрткүл дүниенің оқырмандары даналық кітабына теңеп тастағанына да жарты ғасырға жуық уақыт өтіпті. Сөйте тұра француз суреткері, дәлірегі ғұмырнамалық роман жанрының шебері Андре Моруаның алтын асықтай өмірлік кеңестерінің салмағы уақыт өткен сайын артып келеді. Оған зәредей күмән жоқ.

Бозбалаға бағытталған ашық хат бола тұра бұл кітапты оқыған жас пен жасамыстың да, өмірде өз орны бар кексе кiсiнiн де алары мол. Өмірден алынған өсиеттердің баяндалу тәсілі де шынайы һәм нанымды. Бәлкiм бiреулерге ескірген тәрізді көрінетін пікірлердің шын мәнінде өлмес құндылықтарға табан тірейтініне куә.

Шын мәнісінде Моруаның бұл еңбегі - «Әттең ай, неге ертерек колыма түспеді екен?!» дегізбей коймайтын кітап. Кітап емес-ау - өнер, өнер болғанда да кеңесу, сұқбаттасу өнері!